پشتی کو سیناریو بداوی هات، قویناغا دوویێ یا پرۆجهی دێ بته ئاڤراندنا دهنگان بشێوهکێ تهمامی، دهنگ ئانکو ههر تشتهکێ تو بشیێ گوهلێ بکی د فلمی دا، ژ موزیکێ ( وهکی مه لخوارێ دهست نیشانکری) بوئاخفتنا رێزێن ئهکتهران، و دانانا دهنگی بو باگگراوندی وهکو باران یان باو بارۆڤه، پێک ئینانا کارتێکرنا، وهکو غاردانا لهشکهری، غاردانا ههسپان دناڤ جادێن گوندی دا، گرتن و ڤهکرنا دهرۆکا و دهنگێ ماران. ئهڤه ههمی پێویسته برهنگهکێ تایبهت بهێته ئاڤراندن، دا کو هاریکاریهکا باش بو بهرههمی بهێته کرن لدهستپێکێ مه دهنگێن ههمی ئهکتهران تۆمارکرن. بو ئهفسانهیا کاوایێ ئاسنگهر، ئهڤه پیچهکێ یا ئالۆز بو کو مه ههردوو ئهکتهرێن کورد و ئنگلیز یێن ههین، ژبهر ڤێ چهندێ ههر پارچهک دڤێت دوو جاران بهێته تۆمارکرن. ههر ئهکتهرهک بتنێ هاته تۆمارکرن، و مه نهکاری دهنگێ ههمی ئهکتهران دگهل ئێک تۆماربکن دئێک ژۆررێ دا. بو ئهکتهرێن کورد زهحمهت پتر لێ هات ژبهر کو ههمی لسهر وی زاراڤی کوردی نهدشارهزابوون ئهوێ مهبکارئینای دڤی بهرههمی دا، د هندهک جاران دا یێ بزهحمهت بو کو ئهە بشێن رێزێن خوه بێژن بوی شێوێ مه دخازت. دبت کو ههر پارچهک پتر ژ گهلهک جاران یا هاتیه رۆمارکرن تا کو ئهم ژێ رازی بووین بو ههر دەمهنهکی ههر پارچهکا دایلۆگێ جودا یا هاتیه تۆمارکرن پاشی دهنگێن زێده وهکی ئهوێن نهپێویست یێن هاتینه ژناڤبرن دا ئهم بشێن باشترین دهنگ پهیدابکن، ئهڤهژی ژبلی کو دێ کارتێکرنێن گوهدانی لێ بهێنه کرن مو نمونه ههمی پاچێن دهنگێ زوحاکی وهسا دیاردکت کو یێ دناڤ زکێ کهلههکا بهری دا دئاخڤت و ئهینی ئێکویێ یێ لسهر ههمیا هاتیه دانان د ڤی دهمی دا مه کاری ئهم ههمی پارچێن دایلوگا ئێک ئێکه بدنه لگهل ئێک ژبو دورستکرنا دهنگێ دیمهنێن فلمی. ژنیشکهکێ ڤه ئهو ئهکتهرێن هیج جارهکێ ههڤدوو نه دیتین وهسا دیارکر کو یێن لئێک جهی دگهل ئێک زارڤهکرنێ دکن. دچهند حالهتا دا مه مهبهست پێ ههبو کو ئهم هندهک رێزان جارهکا دی تۆماربکن دا کو ههڤکونجینهکا دورستتر پهیداببت، بهلێ زۆربهی پارچێن فلمی برهنگهکێ دورست کار تێدا هاتهکرن و یا پێویست نهبو کو بهێته دووبارهکرن، و ئهم گهلهک پێ خوشحال بوون لدهمێ دیمهن لداویێ بگیان کهتین پشتی ڤێ چهندێ هێشتا دیمهن پێویستی چهند دورستکرنا بوو ژ لایێ کارتێکریێن دهنگی ئهوێن کو لپشتێ دهێنه گوهدان. لڤێرێ دهنگێ باگگراوندی دێ لێ هێته زێدهکرن. بو نمونه، ئهگهر دیمهن دناڤ گوندی دابت، مهبفهر زانی کو ئهم دهنگێ بای یان دهنگێ خهلکێ گوندی و جاران دهنگێ گیانهوهرا لێ زێدهبکن دا تو براستی ههست بکی کو تو یێ دناڤ گوندی دا. بهلێ ههکهر دیمهنێ دناڤ کهلها زوحاکی دابت مه دهنگێ بایی ژدویر پهیداکرکو یێ ژدهرڤه دهێت، و دهنگێ سۆتنا چراکێن ئاگری، و ههر وهسا دهنگێ مارێن زوحاکی ژی بفهربو بهێته زێدهکرن | 
